Home

La visita da la dama veglia

Daspö las vacanzas da sted vains nus, la classa 3sa, let in tudas-ch il cuntschaint töch „La visita da la dama veglia“ da Friedrich Dürrenmatt. Il töch ans ho plaschieu fich ed uschè vainsa in venderdi, ils 29 schner 2016, pudieu ir giò Turich al teater per guarder lo la nouva inscenaziun da quista cumedgia tragica.

Aunz la rapreschantaziun vains nus, insembel cun oters guvenils da Turich, fat part ad ün workshop davart Friedrich Dürrenmatt i‘l Schiffbau. Nus vains pudieu giuver a teater sül palc d’exercizi, inua ch‘eir ils actuors professiunels vaivan exercito il töch.

Il töch da Friedrich Dürrenmatt d’eira gnieu rapreschanto quella saira avaunt 60 ans per la prüma vouta, medemmamaing i‘l teater da Turich. Bgers da nus nu d’eiran me stos a teater e que es sto fich captivant da vzair, cu cha‘l text es gnieu transponieu sül palc.