Cordielmaing bainvgnieus sün nossa pagina d’internet
Eau m’allegr da Lur interess per nossa scoula.
Cò as paun Els procurer üna survista detaglieda, chattan Els differentas infurmaziuns e survegnan Els ün’invista illas diversas actualiteds ed activiteds da nossa scoula.
In cas d’ulteriuras dumandas stuni gugent a disposizun.
Marielle Osthues
mnedra da scoula
Ils iffaunts da tschinch e ses ans frequaintan la nouva scoulina tripla sül areal da scoula Puoz. Las trais secziuns haun nom Muottas, Gravatscha e Müsella.
inavaunt>>
La lavur sociela da scoula es ün post da cussagliaziun neutrel ed independent a scoula. Ella sustegna ed accumpagna ad iffaunts e giuvenils in lur process da crescher e da dvanter creschieus ed ella promouva lur cumpetenzas da schoglier problems persunels e/u sociels.
lündeschdi
07.15 - 11.30 // 13.30 - 17.00
mardi
07.15 - 11.30 // 13.30 - 17.00
marculdi
07.15 - 11.30 // serro
gövgia
07.15 - 11.30 // 13.30 - 17.00
venderdi
07.15 - 11.30 // 13.30 - 16.00
Il s-chelin ot consista da la scoula reela e secundara. Eir scolaras e scolars da Bever e da Schlarigna frequaintan nos s-chelin ot. L’intermediaziun da la materia d’imprender succeda in möd biling. Impè dal princip „üna lecziun – üna lingua“ vain applicho quel da „l’adöver da lingua integro“. Que voul dir, cha las lecziuns sun bilinguas. Il müdamaint da lingua vain decis dal magister/da la magistra, cò e lo eir dals scolars. Il böt da quist princip es da ragiundscher üna bilinguited equilibreda in tuot ils rams e temas.
