Home

Las Filomelas da Samedan

Las Filomelas da Samedan

Important per nus es d’avair bger plaschair e giodimaint vi dal chanter e da passanter bels mumaints in cumpagnia.

Nus spordschains duos gruppas. Tuottas duos haun üna vouta l’eivna prouva.

La prüma gruppa (seguonda fin quarta classa) vain mneda da duonna Ladina Simonelli, la seguonda (5evla fin 9evla classa) da duonna Selina Bontognali. Tuottas duos mnedras dirigian daspö bgers ans cors illa regiun ed haun perque granda experienza.

La prüma gruppa chaunta impustüt chanzuns ad üna e duos vuschs e canons. Sper chanzuns rumauntschas vegnan eir chantedas chanzuns in otras linguas. La tscherna da las chanzuns es decisiva per svaglier il plaschair e’l gust da chanter.

Sül seguond s-chelin vegnan resguardedas eir bunas idejas e propostas dals iffaunts. Rock, pop, gospels ed oter pü nu dessan gnir a la cuorta.

Las Filomelas as preschaintan düraunt l’an a differentas occurrenzas in vschinauncha ed utrò.

Düraunt üna fin d’eivna ho lö il champ da chaunt a Magliaso. El es il «highlight» e prepara als iffaunts pel concert annuel da la fin da gün. Cun excepziun da la seguonda classa paun tuot las Filomelas piglier part al champ.