Lavur sociela da scoula a Samedan

La lavur sociela da scoula es ün post da cussagliaziun neutrel ed independent a scoula. Ella sustegna ed accumpagna ad iffaunts e giuvenils in lur process da crescher e da dvanter creschieus ed ella promouva lur cumpetenzas da schoglier problems persunels e/u sociels.

Spüerta

La lavur sociela da scoula

cussaglia ad iffaunts e giuvenils da la scoulina fin in 9evla classa ed als sustegna in cas da pissers e problems. Ella ho a disposiziun ün büro a scoula;
sustegna e cussaglia a persunas d'instrucziun in situaziuns difficilas in connex cun singul(a)s scolar(a)s, gruppas u classas;
sto a disposiziun scu persuna da contact independenta a genituors, chi tscherchan soluziuns pels problems da lur iffaunts;
realisescha intervenziuns e spüertas da prevenziun in classas u gruppas;
intermediescha adressas da posts specialisos e do infurmaziuns.

Confidenziel e facultativ

La lavur sociela da scoula es ün servezzan independent, chi sustegna la scoula e suottasto a l'oblig da la discreziun professiunela (excepziun: periclitaziun acuta). La spüerta es gratuita e per regla facultativa.