Home

  • Canorta

  • Maisa da mezdi

  • Structuras dal di supplementeras

Maisa da mezdi

Daspö l’an da scoula 2008/2009 mettains nus a disposiziun als scolars e scolaras, scu eir als scolarins, üna maisa da mezdi superviseda da las 12.00h fin las 13.50h.

Las scolaras ed ils scolars paun piglier lur egen manger, haun però eir la pussibilited da tscherner il menü da nos caterer. Per ulteriuras dumandas Als giavüschains da piglier sü contact cul secretariat.

Structuras dal di supplementeras

Las structuras da di da las 14.00 fin las 18.00 vegnan spüertas in lündeschdi, mardi e gövgia düraunt l'an da scoula 2018/19.

Las structuras dal di supplementeras staun a disposiziun da tuot las scolaras e scolars da la scoula cumünela da Samedan

Ellas cumainzan a las 14.00 e glivran il pü tard a las 18.00. La dumanda per telas structuras vain eruida minch’an aunz il cumanzamaint da l’an da scoula. Ellas vegnan spüertas, scha que do almain 8 annunzchas per zievamezdi.

Ils temps d’arriv e da partenza sun adattos a l’urari e paun gnir tschernieus correspundentamaing. Ün’annunzcha es impegnativa per tuot l’an scolastic.

Ils genituors surpiglian üna pitschna part dals cuosts.

Infurmaziuns pü detagliedas davart las structuras dal di supplementeras survegnan Ellas/Els dal secretariat da la scoula cumünela da Samedan.

Nus ans allegrains da Lur telefon.